Ajaccio : la sécurité de l'aéroport dans la ligne de mire de l'État
Sò uni pochi di ghjorna ch’iddi sò parichji i voli à parta in ritardu da l’aeruportu d’Aiacciu, spieca a prifittura lla Corsica via un cumunicatu.
« Issi ritardi venini da un dispusitivu d’ispizzioni è virifichi di i valisgi ch’ùn basta, è chì hè statu missu in anda da una sucità chì faci issa missioni di sicurità pà u contu di a Camara di Cumerci è d’Industriu di a Corsica.
Issa missioni, chì a CCIC l’hà missa in mani à una sucità privata, tocca à a sicurità di i passaghjeri, è ghjustifichighja ch’idda sichi mantinuta una virifica spicifica di i sirvizia di u statu, chì si devini assicurà di a so efficacità.
Dipoi dicembri di u 2022, trè missioni di cuntrollu di i sirvizia di a dirizzioni ginirali di l’avviazioni civili ani missu in risaltu mancamenti grevi di a missioni d’ispizzioni è virifichi fatta à l’aeruportu d’Aiacciu, masimu ch’idda manca una virifica sicura di a rialisazioni d’issa missioni da a sucità chì n’hà a carica.
Mentri l’ultima virifica fatta di ghjinnaghju di un 2024, ùn si n’hè vistu middurà.
Più di a mità di i mancanzi signalati 18 mesa innanzi, trà i quali i più gravi, ùn sò stati curretti di manera cuncreta », spieca a prifittura.
« Issi mancamenti ùn pirmettini di guaranzì à l’usuaghji di l’aeruportu d’Aiacciu u liveddu di sicurità ottimu assicuratu in l’insemi di l’aeruporti, in francia o à liveddu internaziunali, masimu cù u pianu Vigipirate chì hè cuddatu à u so liveddu più altu, « Vigilance attentat », u 25 di marzu.
Da suluziunà à u più prestu issi mancamenti cuntinuvi, a CCIC, chì sfrutta l’aeruportu d’Aiacciu, hè stata missa suttu à una surviglianza rinfurzata da a DGAC, u novi d’aprili.
Sur le même sujet
